Kasu honetan hostoekin jolasean ibiliko gara, baina lehenbizi, ideia ona izango delakoan hurrengoa pentsatu dut: udaberria dela, umeekin gertu dagoen baso batera joango ginateke. Txango honetan umeek nahi beste hosto hartu beharko dituzte eta ezberdinak gainera! Tamaima ezberdinekoak izan beharko dira eta, nahi izanez gero, makiltxoak ere hartu ahal dituzte. Gero gelan, eskulan ezberdinak egiteko erabiliko ditugu. Hona hemen nire proposamenak!
ANIMALIAK SORTU
Kasu honetan, izenburuak aipatzen duen moduan, animaliak sortuko ditugu bildu ditugun hostoekin.
Horretarako honako materiala beharko dugu:
- Bildutako hostoak
- kola
- folio zuria
- artaziak
Ume bakoitzak libre izango da nahi duen animalia sortzeko, hemen behean nik aurkitu ditudan irudiak utziko dizkizuet, animatu eta imajinazioari trabak ez jarri! EKIN!
*GOIAN DAUDEN ARGAZKI GUZTIAK ESTEKA BERDINETIK ATERA DITUT
ZUHAITZA HOSTOEKIN
Eskulan honetan, umeei esango diegu lortu duten hostorik handiena hartzeko,baina kontuz! folio batean sartu beharko da!
Nire hurrengo proposamenerako, honako materiala erabiliko dugu:
- kolorezko tenperak
- hosto handi bat
- folio zuria
Nola egin?
Kolorezko tenperak zabaldu ostean, hosto handia mahai gainean jarrita daukagula, inolako jarraitasunik gabe, tenpera botako diogu. KONTUZ! ez bota gehiegi, bestela ez da nahi dugun bezala aterako! Ondoren, hostoa kontu handiarekin folio zuriaren gainean utziko dugu. Segundu gutxi pasa eta gero, hostoa pixkanaka-pixkanaka kenduko dugu. LISTO!
HORMAIRUDIA
Azkenik, talde lana sustatzeko helburuarekin, honako zuhaitza sortzea primerako ideia iruditzen zait. Guztion artean, enborra margoztuko dute eta denok batutako hostoekin zuhaitz erraldoia egitea proposatzen dizuet.
Erabiliko dugun materila:
- hostoak
- kola
- hormairudiak egiteko papera
- margoak/tenperak
Nola egingo dugu?
Hasteko, ume guztiak margoekin edo tenperekin enborra margoztuko dute, gero, ume bakoitza 2-3 hosto aukeratuko ditu. Ondoren enborra hormairudiak egiteko paperean itsatsiko dugu. Ostean aukeratutako hostoak kolarekin itsatsiko ditugu,zuhaitzari forma emanez. Hormairudia errealagoa suertatzeko, zorua simulatzeko hostoak ere jar ditzakegu. LISTO!
Hormairudia denez, eskolako karrajua apaintzeko erabil daiteke, edota gela apaintzeko. Animatu eta kolore ezberdineko zuhaitzak eta forma ezberdinak egiteari ekin!
